6 უხეში შეცდომა სარეცხი მანქანის გამოყენების დროს, რომლებიც მას აფუჭებს

31/01/2020
მომხმარებელი ნინი | OnBlog | Blogger

ტექნიკა მრავალი წლის განმავლობაში გამართულად რომ მუშაობდეს, ნუ მოათავსებთ მასზე მძიმე ნივთებს, არ დაგავიწყდეთ პროფილაქტიკური წმენდის შესახებ და არ დაუშვათ სხვა შეცდომები, რომლებსაც ახლა, ამ სტატიაში გაგაცნობთ.

1. დაგვიანებული წმენდა

სარეცხი მანქანის რეგულარული, პროფილაქტიკური წმენდა მისი გამართული და ხანგრძლივი მუშაობის წინაპირობაა. თუ ამის შესახებ დაივიწყებთ, შიდა ელემენტებსა და დოლაბზე დაგროვდება მყარი ნადები, რაც ტექნიკის დაზიანებას გამოიწვევს.

მის გასაწმენდად შეგიძლიათ გამოიყენოთ ყველასათვის ცნობილი საშუალება – მაგალითად, ლიმონმჟავა. უბრალოდ ჩაყარეთ იგი სარეცხი ფხვნილის დანაყოფში და ჩართეთ ცარიელი მანქანა რეცხვის მაღალტემპერატურული რეჟიმზე. ან მიმართეთ სპეციალურ საყოფაცხოვრებო ქიმიას, რომელსაც საყოფაცხოვრებო ტექნიკის ყველა მწარმოებელი გვთავაზობს. პროფილაქტიკის ჩატარება საჭიროა თვეში ერთხელ მაინც, განსაკუთრებით, თუ თხევად სარეცხ საშუალებებს იყენებთ.


2. საწმენდად ქლორის ან მეტალის შემცველი საშუალებების გამოყენება

ტექნიკის მწარმოებლები ინსტრუქციებში მიუთითებენ, რომ ტექნიკის გარე ნაწილის გასაწმენდად შეგიძლიათ მსუბუქი საპნის ხსნარის გამოყენება, ხოლო მეტალის ზედაპირების რეცხვა სასტიკად არაა რეკომენდებული ქლორის, გამხსნელებისა და მეტალის შმცველი საშუალებებით. მხოლოდ სპეციალური შემადგენლობები უჟანგავი ფოლადისთვის და, მაგალითად, კბილის ჯაგრისი. სხვათა შორის, ორთქლისა და წყლის საშხეფების გამოყენებაც არ შეიძლება.


3. დოლაბისა და სარეცხი საშუალებების დანაყოფის არ გაშრობა

თუ სარეცხი მანქანის კარს მაშინვე ხურავთ, როგორც კი გარეცხილ ტანსაცმელს ამოიღებთ, ალბათ, შეამჩნევდით, რომ მასზე ჩნდება კონდენსატი. დოლაბის მუდმივი ტენიანობა გამოიწვევს ჰერმეტულ რეზინზე ობის გაჩენას.

იგივე შეიძლება ითქვას სარეცხი საშუალებების დანაყოფზეც – იგი არამხოლოდ უნდა გააშროთ ყოველი რეცხვის შემდეგ, არამედ გარეცხოთ კიდევაც. უჯრის გამოღებისას შეამოწმეთ, ხომ არ დარჩა მასში სარეცხი ფხვნილის ნაწილაკები. ისინი აუცილებლად უნდა მოაშოროთ. დოზატორიდან ობის მოშორება შემდეგ ძალიან გაგიჭირდებათ.


4. მანქანაში იმ ნივთების მოთავსება, რომლებიც არ შეიძლება

მკაცრი წესი – გამოაბრუნეთ ჯიბეები რეცხვის წინ, რათა არ გარეცხოთ მანქანაში ხურდები ან გასაღები, ასევე, დიდი რაოდენობით დეკორი (რკინის დანართები, ელვები და ღილები). თუ მას არ დაიცავთ, ადრე თუ გვიან, ეს ნივთები მანქანას გააფუჭებს.

მართალია, თანამედროვე მოწყობილობებში სპეციალური ფილტრია, რომელშიც ყველა მონეტა და სხვა წვრილმანი მოხვდება, თუმცა, გარისკვად მაინც არ ღირს.


5. მანქანაზე მძიმე ნივთების მოთავსება

თუ თქვენი სარეცხი მანქანა არაა ჩაშენებული და ზემოდან არც მაგიდის ზედაპირი იცავს, ნუ მოათავსებთ მასზე ნივთებს. მაგალითად, ბევრი დებს მასზე მიკროტალღურ ღუმელს, პირდაპირ მანქანაზე. წონით, იგი დიდ დატვირთვას არ ქმნის, თუმცა, საკვებისა და სითხის ნაწილაკები, რომლებიც შეიძლება მან დატოვოს, ასევე, ტექნიკის მუშაობისას გამოყოფილი ვიბრაციები, ვნებს ტექნიკას – როგორც სარეცხ მანქანას, ისე ღუმელსაც. ასევე, არ მოათავსოთ სვეტად სარეცხი და საშრობი მანქანები, თუ ამისთვის სპეციალური კარადა არ გაქვთ გათვალისწინებული. ასეთი დატვირთვა ვნებს მოწყობილობას.


6. რეჟიმების არასწორად გადართვა ჩართვის შემდეგ

ტექნიკის ინსტრუქციებში მარტივი ენით წერია რეჟიმების ცვლის წესები, თუმცა ამის კითხვით ბევრი არ დაინტერესებულა. თუმცა, არასწორი გადართვით მარტივად შეიძლება ტექნიკას ავნოთ.

თუ რეცხვის დროს ბრძანების დამატება გინდათ (მაგალითად, თეთრეულის დაუთოვება), ჯერ უნდა დააჭიროთ პაუზას და მხოლოდ შემდეგ შეიტანოთ ცვლილებები. ამასთან, ნებადართულია მხოლოდ ზოგიერთი ოპციის შეცვლა და ყველა მოდელისთვის ისინი განსხვავებულია. ახალი პროგრამის შერჩევა მხოლოდ მოწყობილობის გამორთვისა და ხელახლა ჩართვის შემდეგ შეიძლება.


Powered By: მარი მიქელაძე.

პატივისცემით, ON-SHOP.GE



COVID-19 კორონავირუსი - ინფორმაცია!

ძვირფასო მომხარებელო, გაცნობებთ, რომ COVID-19-ის გავრცელების პრევენციის მიზნით კომპანია „ON-SHOP.GE“ ითვალისწინებს ჯანმრთელობის მსოფლიოს, დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციებს და გადადის დისტანციურ სამუშაო რეჟიმზე. საკომუნიკაციო სისტემები იმუშავებს ჩვეულ რეჟიმში (ქოლ-ცენტრი, ონლაინ ჩატი, ელ.მეილი და Facebook მესენჯერი)  ი.ხ COVID-19 გლობალური სტატისტიკა

სრულად წაკითხვა